Partij van de Arbeid (Nederland)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.svg){kind=logo}
Partij van de Arbeid (PvdA) waor 'n Nederlandse sociaol-democratische polletieke partij. Ze woort meistes in de riechting geplaots vaan centrum-links. In 2023 zoot ze in de oppositie; vreuger had ze dèks aon 'n regering mètgedoon.
De PvdA woort op 9 februari 1946 opgerich door 'n fusie vaan de Sociaal-Democratische Arbeiderspartij, de Vrijzinnig Democratische Bond en de Christelijk-Democratische Unie. De PvdA waor sinds häör opriechting oonaafgebroke vertegewoordig gewees in de Ierste en de Twiede Kamer en de partij deeg mèt aon daartien kabinette. Wim Schermerhorn, Willem Drees, Joop den Uyl en Wim Kok waore minister-president naomes de PvdA.
D'n lètste partijveurzitter vaan de PvdA waor Esther-Mirjam Sent. Fractieleier vaan d'n Twiede Kamer, zoe-ouch partijleier waor Jesse Klaver. Fractieleier vaan d'n Ierste Kamer waor Paul Rosenmöller. De partij had ouch 'nen delegatieleier in 't Europees Parlemint: Agnes Jongerius.
De zetele in dees drei mandaote waor es volg verdeild veur de PvdA: ze had mèt GL 25 vaan de 150 zetele in d'n Twiede Kamer, mèt GL 14 vaan de 75 in d'n Ierste Kamer en 6 vaan de 29 'Nederlandse' zetele in 't Europees Parlemint. In de EU maakde zie wijers deil oet vaan de Europese fractie Progressief Alliantie vaan Socialiste en Democrate geleid door d'n Spanjaard Iratxe García – dees fractie heet 145 vaan de 705 Europese, dus alle zetele in 't Europees Parlemint.
13 juni 2026: GroenLinks en PvdA gaon same in de nuuj linkse fusiepartie Progressief Nederland (PRO).
Twiede Kamer
[bewirk | brón bewèrke]| Twiede Kamer sinds 1998 | |
|---|---|
| Jaor | Zetele |
| 1998 | 45 |
| 2002 | 23 |
| 2003 | 42 |
| 2006 | 33 |
| 2010 | 30 |
| 2012 | 38 |
| 2017 | 9 |
| 2021 | 9 |
| 2023 | 25* |
| 2025 | 20* |
- * mèt GL
Weblinks
[bewirk | brón bewèrke]- Website vaan de PvdA
- Partij van de Arbeid (PvdA), Parlement.com
