Haritz Azurmendi Arrue
| Haritz Azurmendi Arrue | |
|---|---|
 | |
| Bizitza | |
| Jaiotza | Albiztur, 1991ko ekainaren 26a (35 urte) |
| Herrialdea |  Gipuzkoa, Euskal Herria |
| Hezkuntza | |
| Heziketa | Euskal Herriko Unibertsitatea |
| Tesi zuzendaria | Joseba Agirreazkuenaga Ander Iturriotz |
| Hizkuntzak | euskara |
| Jarduerak | |
| Jarduerak | filosofoa eta ikertzailea |
| Kidetza | Jakin Udako Euskal Unibertsitatea Galtzaundi Euskara Taldea |
  | |
Haritz Azurmendi Arrue (Albiztur, Gipuzkoa, 1991ko ekainaren 26a) Filosofian lizentziaduna eta Gizarte Zientzietan doktorea da (EHU).[1] UEUko Filosofia sailburua izandakoa, Galtzaundi Tolosaldeko Euskara Taldeko eta Jakineko kidea da, baita Joxe Azurmendi Katedraren bultzatzaileetako bat ere.
Ikerketa
[aldatu | aldatu iturburu kodea]Gizarte Zientzietan doktorea da 2019tik (EHU). Joxe Azurmendiren nazioa Nazionalismo Ikerketen argitan. Abertzaletasun kulturalaren defentsa Euskal Herri garaikidean izenburupean Joxe Azurmendiren nazio ideia aztertu zuen, hura nazionalismo-ikerketetako teoriekin elkarrizketan jarriz. Gerora euskal pentsamenduan sakontzen jarraitu du eta euskararen historia soziala ere ikertu du.
Horretaz gain, euskararen historia soziala ikertu du Galtzaundi Euskara Taldearen eskutik.
Dibulgazioa
[aldatu | aldatu iturburu kodea]UEUk ikertzaile gazteen ikusgarritasuna areagotzeko eta dibulgaziora begira sortu duen Ikerl(h)ari bideopodcastean parte hartu du.[2][3]
UEUkidea
[aldatu | aldatu iturburu kodea]
UEUko Filosofia sailburua (2017-2021) eta Irakaskuntza Masterreko irakaslea izan da. Filosofia sailburu dela, ikastaroak ere antolatu izan ditu. Besteak beste, 2019ko "W. von Humboldt gurean: hizkuntza, kultura, herria" izenekoa Baionan.[4] Irakasle ere izan da hainbat jardunaldi edo ikastarotan.[5]
2024an Euskal pentsamenduaren garabideak (UEU) liburua argitaratu zuen Alba Garmendia Castañosekin eta Jon Mentxakatorre Odriozolarekin batera.[6][7] Liburu horren jatorrian UEUren Filosofia Sailaren bi egitasmo jakin daude. 2023ko uztailean, UEUren Udako Ikastaroen barnean egin zen "Filosofo Euskaldunen I. Bilkura"[8] eta urte horretan zehar antolatutako "Euskal pentsalariak Bigarren Hezkuntzako curriculum berrian" hitzaldi-zikloa.
Jakin
[aldatu | aldatu iturburu kodea]2022tik Jakineko erredakzioko kidea eta proiektu-arduraduna da. Kontseilu editorialeko kidea ere bada.[9] 2026an Joxe Azurmendiren hilondoko Gure klasizismo txikia liburua argitaratzeko edizio lanak egin ditu.[10]
Erreferentziak
[aldatu | aldatu iturburu kodea]- ↑ Arrue, Haritz Azurmendi. (2019). Joxe Azurmendiren nazioa Nazionalismo Ikerketen argitan. Abertzaletasun kulturalaren defentsa Euskal Herri garaikidean. (kontsulta data: 2024-11-29).
- ↑ «"Herri-ikerketa". Ikusgai ikerl(h)ari podcastaren 4. atala» www.ueu.eus (kontsulta data: 2024-11-29).
- ↑ «ikerl(h)ari podcastaren 2. denboraldia estreinatuko dugu azaroan» www.ueu.eus (kontsulta data: 2024-11-29).
- ↑ «Haritz Azurmendi: “Humboldt pertsonaia bezala interesgarria da eta, gainera, bere ikerketaren zati bat eskaini zion Euskal Herriari”» www.ueu.eus (kontsulta data: 2024-11-29).
- ↑ «Haritz Azurmendi Arrue» www.ueu.eus (kontsulta data: 2024-11-29).
- ↑ «Euskal pentsamenduaren garabideak» www.ueu.eus (kontsulta data: 2024-11-29).
- ↑ «Haritz Azurmendi Arrue: "Liburu honetan saiatu gara kapituluak sarbide izan daitezen euskal pentsamenduaren adar desberdinetara"» www.ueu.eus (kontsulta data: 2024-11-29).
- ↑ «Filosofo Euskaldunen I. Bilkura: pentsamendua eta irakaskuntzaren erronkak.» www.ueu.eus (kontsulta data: 2024-11-29).
- ↑ «Nor gara» JAKIN Dabilen pentsamendua (kontsulta data: 2024-11-29).
- ↑ Azurmendi, Haritz (2026): “Hitzaurrea. Liburuaren atze laburra eta zenbait gogoeta aurrera begirako” in Joxe Azurmendi: Gure klasizismo txikia, Andoain, Jakin. 7-14 or. ISBN 978-84-12842-55-5
Kanpo estekak
[aldatu | aldatu iturburu kodea]- Haritz Azurmendi Arrue Artizarra sare sozial profesionalean
- Haritz Azurmendi Arrue Inguma datu-base akademikoan
| Autoritate kontrola |
|
|---|
Datuak: Q125947759
