Febre tifoide

Febre tifoide
Aviso médico. Atención! Wikipedia non dá consellos médicos. Se cre que pode requirir tratamento, consúltello ao médico.
Manchas rosadas na pel do peito dun paciente afectado por febres tifoides causadas por Salmonella Typhi
Instancia de tipo de doenza  Subclase de doenza bacteriana primaria Antroponose (pt) doenzas propensas a pandemias e epidemias  Causado por Salmonella enterica
Características
Especialidade médica infectoloxía
Síntomas continuous fever (en) confusion of consciousness (en) distensão abdominal (pt) insomnio Delirio Esplenomegalia Hepatomegalia prostración diarrea intestinal perforation (en) palidez (pt) cefalalxia cansazo hemorraxia gastrointestinal estrinximento bradicardia (pt) exantema (pt) leucopenia (pt)
Tratamentos posibles antibiótico Transfusión de sangue dieta desintoxicación operación cirúrxica
Exames médicos exame médico ELISA cultivo microbiolóxico Reacção de Widal (pt) hemograma reacción en cadea da polimerase
Fármacos para tratamento ciprofloxacina (pt) ampicilina Cefotaxima Aztreonam imipen (en) gatifloxacina (pt) ceftriaxona Cefixima ofloxacina (pt) Amoxicilina pefloxacin (en) azitromicina (pt) Levofloxacina
Códigos e identificadores Freebase /m/07s4l MeSH D014435 Thesaurus do NCI C35089 CIAP-2 D70 DiseasesDB 27829 CIE-11 1528414070 CIE-10 A01.0 CIE-9 002002 MedlinePlus 001332 eMedicine 231135 OpenAlex C3020771617 e C520601542 KEGG H00111
Fontes e ligazóns  Descrito pola fonte Pequeno dicionario enciclopédico de Brockhaus e Efron  Tema: Q24755530 Dicionario Enciclopédico Brockhaus e Efron  Tema: Q24491822 Encyclopædia Britannica  Tema: 1911 Encyclopædia Britannica/Typhoid Fever (en)
Wikidata G:Commons C:Commons

Non confundir co tifo producido por Rickettsia.

A febre tifoide ou febre entérica é unha doenza infecciosa producida por bacterias do xénero Salmonella do serovar Salmonella enterica subsp. enterica serovar Typhi (antes Salmonella typhi ou bacilo de Eberth). Moi similar á febre tifoide é a febre paratifoide (ambas poden denominarse febre entérica) causada por Salmonella enterica subsp. enterica serovar Paratyphi A, B ou C (antes Salmonella paratyphi). O reservorio da febre tifoide é o ser humano, e o mecanismo de contaxio é a vía fecal-oral, a través da inxestión de auga e alimentos contaminados con dexeccións. Non se debe confundir co tifo producido por bacterias Rickettsia e transmitido por piollos e outros artrópodos.

A bacteria entra no corpo por vía dixestiva e chega ao intestino, pasando finalmente ao sangue, causando unha fase de bacteremia cara á primeira semana da doenza; posteriormente localízase en diversos órganos e produce fenómenos inflamatorios e necróticos, debidos á liberación de endotoxinas. Finalmente, as salmonelas expúlsanse ao exterior polas feces. A bacteria causante pode espallarse en condicións de malos hábitros hixiénicos e malas medidas de salubridade públicas, e ás veces a través de insectos, como as moscas, que se alimentan de feces.

No período de incubación, que dura de 10 a 15 días, aprécianse trastornos do estado xeral, unha fase de bacteremia con febre que aumenta progresivamente ata chegar a 39-40 °C e mantense así, cefalea, estupor, roséola no ventre, tumefacción da mucosa nasal, lingua torrada, úlceras no padal e, ás veces, hepatoesplenomegalia e diarrea.

A doenza pode evolucionar ata a súa curación en dúas semanas ou prolongarse con localizacións focais a partir da quinta semana. Se non se somete a un tratamento axeitado poden presentarse complicacións graves, como hemorraxias e perforación intestinal, e choque séptico. Prodúcese un certo grao de inmunidade que, aínda que non protexe fronte ás reinfeccións, cando estas se producen son máis benignas. O estado de portador pode ser transitorio ou crónico.

A aparición desta doenza diminuíu abruptamente no mundo desenvolvido coa xeneralización das medidas de limpeza, potabilización e salubridade públicas e o uso de antibióticos.