A Merseyside, ou ribeira do Mersey, é un condado metropolitano do Reino Unido creado o 1 de abril de 1974, situado ó norte de Inglaterra, na beira do río Mersey. Ocupa unha área de 645km², cunha poboación en 2004 de 1365901 habitantes.
Merseyside creouse áreas que anteriormente foran parte dos condados administrativos de Lancashire e Cheshire, xunto cos antigos distritos de Birkenhead, Wallasey, Liverpool, Bootle e St Helens. Entre 1974 e 1986 existiu un consello do condado pero tras a reforma de 1986 elimináronse os consellos dos condados, quedando a administración do condado en man dos distritos metropolitanos de Liverpool, St Helens, Wirral, Knowsley e Sefton, non obstante certos servizos, como a policía, bombeiros e transportes, ofrécense de forma conxunta, coordinados entre os diferentes distritos. Ó non ter un consello formado polas distintas metrópoles, non hai ningunha cidade que actúe como capital do condado. Merseyside limita con Lancashire, Cheshire e co Gran Manchester.
