1507

Ár

Áratugir

1491–1500 – 1501–1510 – 1511–1520

Aldir

15. öldin – 16. öldin – 17. öldin

Árið 1507 (MDVII í rómverskum tölum)

Á Íslandi

Vigfús Erlendsson varð hirðstjóri.
Jón Arason var vígður prestur að Helgastöðum í Reykjadal.
Tyche Vincent, sendiherra Danakonungs í London, skrifaði Jakobi 4. Skotakonungi og segist þar hafa kvartað munnlega við Hinrik 8. Englandskonung yfir því að sex árum áður hefðu Englendingar brotið upp læsta kirkju á Íslandi og rænt konungsskatti sem þar var geymdur.

24. janúar - Sigmundur 1. var krýndur konungur Póllands í Kraká.
9. febrúar - Portúgalar komu fyrstir Evrópubúa auga á eyjuna Réunion í Indlandshafi.
28. mars - Ítalíustríðin: Lýðveldið Genúa lýsti stríði á hendur frönskum innrásarher. Frakkar náðu yfirráðum á borginni mánuði síðar.
3. apríl - Marteinn Lúther var skipaður kaþólskur prestur í Erfurt.
25. apríl - Martin Waldseemüller gaf út landakort þar sem Nýi heimurinn var nefndur Ameríka eftir vini sínum Amerigo Vespucci og er það elsta heimild um það heiti.
Júní - Ferdinand 2. og Loðvík 12. funduðu um hvernig skipta ætti ítölsku ríkjunum á milli sín.
15. september - Jakob 4. Skotakonungur gaf út starfsleyfi fyrir fyrstu prentsmiðjuna í Skotlandi.
26. september - Afonso de Albequerque hertók borgina Hormuz við samnefnt sund (við innsiglingu í Persaflóa og stofnaði þar virki.
Ferdínand Spánarkonungur gaf leyfi til að flytja þræla frá Afríku til að vinna á plantekrum á Karíbahafseyjum í stað innfæddra þræla. Þar með hófst flutningur svartra þræla til Ameríku.
Portúgalir námu Mósambík og eyjarnar Sokotra og Lamu.
Tímúrveldið í Asíu leið undir lok þegar Úsbekar náðu yfirráðum yfir höfuðstaðnum Herat.