握手

握手

握手（有啲地區叫摩梭）係一種禮貌手勢，都係友善手勢。兩個人揸住對方一隻手，可以係兩隻右手，亦可以係兩隻左手，隻手要郁郁吓。通常喺介紹、見到人、離開、祝賀或者達成一致時係會握手。握手嘅目的係表達信任、協調同平等，可能源於話明手上冇武器嘅手勢。

古時

古時握手係生離死別嘅時候先做， 而唔係雙方便互相握，單方面揸住對方隻手 。

結發為夫妻，恩愛兩不疑。
歡娛在今夕，嬿婉及良時。
征夫懷遠路，起視夜何其？
參辰皆已沒，去去從此辭。
行役在戰場，相見未有期。
握手一長歎，淚為生別滋。
努力愛春華，莫忘歡樂時。
生當複來歸，死當長相思。

——《留別妻》，蘇武

細菌傳播

請勿握手

握手係眾所周知會傳播唔少微生物同病原體。某啲疾病，例如疥瘡，主要透過直接皮膚接觸傳播。有醫學研究發現，擊拳同擊掌傳播嘅細菌比握手少。2009年 H1N1 流感大流行期間，加拿大卡爾加里大學醫學院院長 Tom Feasby 建議，撞拳可以係「握手嘅好替代」，以減低病毒傳播。

2010年一項研究顯示，只有約四成醫生同醫護人員遵守醫院嘅手部衛生規則。加州大學洛杉磯分校（UCLA）嘅醫生 Mark Sklansky 為咗減少細菌傳播同疾病傳染，決定測試「禁握手區」。醫院並無完全禁止握手，但建議用其他方式，例如撞拳、微笑、鞠躬、揮手，或者無接觸嘅 Namaste 手勢。其他建議還包括戚眼眉、泰式合十禮（wai bow）、拍兩下掌、手放心口、美國手語揮手，或者 shaka 手勢。

COVID-19 疫情期間，唔少國家同機構鼓勵大家用其他問候方式代替握手。建議包括撞手踭、撞拳、腳踢、Namaste手勢，或者撞腳。

睇埋

• 揮手