Вольыквлӓн прававлӓштӹ

Имним царан лыпшымы гишӓн пӹтӓриш суд Лондонышты 1822-шы ин ылын, кынам кок эдем суйымы линӹт дӓ нӹнӹ 20 шиллинг рӓдӹ штрафым туленӹт

Вольыквлӓн прававлӓштӹ — ынгылымаш, кыды семӹнь вольыквлӓн интересыштым, шамаклан карштымашым пӓлыде ылӓш интересым шотыш нӓлмӓн. Ти ынгылымаш семӹнь, вольыквлӓ вӹкӹ лач качкышым пушы, пӓшӓ ви, шӹмлӹмӓш дӓ сусум кандышы объект семӹнь веле агыл анжымыла. Ти шотышты мораль дон этика ядмашат анзылны лишӓшлык ылыт.