Апія

Горад
Апія
Apia
13°50′ пд. ш. 171°50′ з. д.
Краіна	Самоа
Гісторыя і геаграфія
Заснаваны	1850
Плошча	60 км²
Вышыня цэнтра	7 м
Водныя аб’екты	Ціхі акіян
Часавы пояс	UTC-11, летам UTC-10
Насельніцтва
Насельніцтва	37 708 чал. (2006)
Шчыльнасць	6534,27 чал./км²
Афіцыйная мова	англійская і Самаанская мова
Паказаць/схаваць карты
Апія
Медыяфайлы на Вікісховішчы

АПІЯ — сталіца і адзіны горад Самоа. Знаходзіцца на паўночным узбярэжжы вострава Уполу, з’яўляецца самым вялікім портам Самоа. Колькасць жыхароў налічвае 38 800 чалавек.

Геаграфія

Горад знаходзіцца на паўночным узбярэжжы вострава Уполу. Тут пануе трапічны спякотны і вільготны клімат, з частымі ураганнымі вятрамі. Тэмпература на працягу года вагаецца ад +24 °C да +27 °C. Сярэднегадавая колькасць ападкаў складае каля 3000 мм.

Дэмаграфія

Колькасць насельніцтва горада прыкладна 39 тыс. чалавек. Асноўнай этнічнай групай горада з’яўляюцца самаанцы (93 %), астатнюю частку складаюць еўрапейцы і палінезійцы. Афіцыйнымі мовамі з’яўляюцца самаанская і англійская. Прыкладна 50 % насельніцтва складаюць пратэстанты, 45 % — католікі.

Гісторыя

Апія — першае паселішча заснаванае еўрапейцамі, менавіта англійскімі місіянерамі, на астравах Самоа. Датай заснавання лічыцца 1837 год. У 1900 годзе увесь архіпелаг быў падзелены паміж ЗША і Германіяй, Апія перайшоў пад кантроль Германіі. У 1914 годзе ў горадзе высадзіліся войскі Новай Зеландыі, і хутка Апія стаў адміністрацыйным цэнтрам навазеландскай падмандатнай тэрыторыі «Заходняе Самоа». 1 студзеня 1962 года Заходняе Самоа атрымала незалежнасць, а Апія стала яго сталіцай.

Гл. таксама

• Ураган у Апіі 1889