Lo cròme es l'element quimic de numèro atomic 24, de simbòl Cr. Lo còs simple es un metal de transicion. Amb lo molibdèn e lo tungstèn fa partida del grop 6 de la taula periodica. Aqueles elements se caracterizan per de còsses simples metallics qu'an de punts de fusion enauçats, de pressions de vapor entre las mai bassas e de coeficients de dilatation termica febles. De mai, la superficia d'aqueles metals es cobrida per un jaç d'oxids qu'empacha lo desvolopament de reaccions quimicas destruseiras. Aquò assegura aital l'estabilitat dels elements en preséncia de basas o d'oxidants febles.
