misikeke

sijelo jan anu sijelo pi ijo lon li ike la, misikeke^[nimi] li ken pona e sijelo, li ken weka e pilin ike.

ante mute pi ijo ni li lon. ijo ante li ken pali e ni:

ona li ken weka e ijo ike tan sijelo.
ona li ken pali e ni: sijelo li ken utala e ijo ike lon tenpo kama.
ona li ken weka e pilin ike tan sijelo.
ona li ken pona e sijelo kepeken nasin ante.

ike sijelo ante la, misikeke ante li pona. tenpo ante la, misikeke li ken ike e sijelo. sina wile moku e misikeke la, o sona e ni: ijo ni li pona tawa ike seme? ike seme li ken?

sona pi pona sijelo li wile sona e ni: ijo seme anu pali seme li ken weka e ike tan sijelo, li ken pali e ni: ike sijelo li kama ala?