Strange

Een strange of strand is e vlakke stroke land langs de zêe, oceoan of meer, die bestoat uut zand (lik an de Vlamsche Kust), stêens of schelpn.

In de zomer wordt ’t strange dikwyls gebruukt als recreoatiegebied, woa da je kunt zunn, zwemmn en speeln. Soms wordn d’r ook ligzetels, cabientjes en parasols vereurd. En in de winter kun je d’r goan uutwoaien en genietn van de zêelucht.